Kəşf edilməyi gözləyən 10 fərqli sayt!

Kəşf etmək üçün yaratmaq, kəşf edilmək üçün isə axtarılmaq lazımdır. Odur ki, axtardığım və mənim marağımı cəlb edən fərqli mövzulu saytları burada bir yerə toplamaq qərarına gəldim. Siz həmçinin "Faydalı sayıla biləcək 8 maraqlı sayt" başlıqlı məqaləmə daxil olaraq, fərqli saytlarla da tanış ola bilərsiniz. Çox uzatmadan yeni saytları sizə təqdim edirəm: 1. 450 il yaşayacaqsınız? … Oxumağa dava et Kəşf edilməyi gözləyən 10 fərqli sayt!

Advertisements

***

Yolun düşsə keçərsən biz yaşayan küçədən, Yəqin, mən də baxaram uzağa pəncərədən.. Lap istəsə ürəyin, başını qaldırarsan, Gözucu mənə baxıb sonra addımlayarsan..   Sözüm düşsə yanında, qulaq verib, dinlərsən, Guya xəbərsiz kimi, məndən sual verərsən. Bəlkə onda bilərsən səndən sonra halımı, Necə pozdun getməklə gül kimi əhvalımı...

Səssizlik

...nə çox səs-küy var imiş, səssizliyində sənin... Mən hardan biləydim ki, Səsi yoxmuş səsinin... Ağır olurmuş demək, Bir qadının susması, Gözləri ilə danışıb, Sözdən uzaq qaçması... Sən susandan bu evdə Deyinən daş-divardı. Nə olar bircə kəlmə de.. Səssizliyin kar edir.. Sənsizliyin ağırdı...

Yat bir az

İstəyirsən yat bir az... Sonra durub gedərsən, İsti çayım, tünd dəmim.. Bəlkə mənlə içəsən? Örtərəm lap üstünü Soyuq dəyməsin sənə.. Otağı qaraldaram.. İşıq düşməz gözünə Çox qoymaram yatmağa Açarsan gözlərini Qaranlığa qalsan da Yola salaram səni... İstəyirsən yat bir az.. Sonra durub gedərsən Bu son görüş başa düş... Axı nə tələsirsən?

***

Sən qürbət, mən isə biçarə qərib, Gəzməyə gəlmirəm, sürgünəm sənə, Cəzam edamdırsa, cəlladım sən ol, Gülərək gedərəm, o son mənzilə...

***

Nə çox yazdı qələmlərim... Adın doldu sətirlərə. Sən bəxtimə bir pay idin, Bağışladım gecələrə...

Nə sənlə alınır, nə də ki sənsiz, Dilimə yapışan yalan kimisən, Sənə inanmıram, sənsiz qalmıram, Ovcumun içində bir fal kimisən... Ətrinlə məst edib, ağlım alırsan, Hərdən ağladırsan, haldan salırsan, Badədən süzülüb qəlbə dalırsan, Məni sərxoş edən şərab kimisən....

Itkin

İndi görən hardayam? Üşüyürmü əllərim, de, hansı dalandayam? Yumulurmu gözlərim, Yəqin təkcə gəzirəm, Adımı unutmuşam. Bəlkə də təzdən yenə O evə qayıtmışam. İtmişəm küçələrdə Kimsəsizlər kimi-yəm, Mən ki çox cavan idim İndi qoca kimiyəm, İndi görən hardayam, Kimə bel bağlamışam? Yəqin yenə hardasa Nəyəsə ağlamışam...

Sənsən

Yazdıran da sənsən, yazan da sənsən, Ölmüşəm, qəbrimi qazdıran sənsən. Qışı bahar edən, baharı payız, Ömrümdən günləri çalan da sənsən. Qara ləkə kimi düşüb üstümə, Yaşları düzmüsən qara gözümə, Güzgü qarşısında özüm-özümə Ən ağır söyüşü söydürən sənsən. Qurumuş ağacdan kimə xeyir var? Dilim söz tutmayır, qulaqlarım kar. Olmuşam sayəndə dəli, üsyankar Çiynimə yazılan günah da … Oxumağa dava et Sənsən

Bankda işləməyin cəhətləri – müsbət? ya mənfi?

Bilən bilir, artıq 1 ildən uzun müddətdir ki, bank sektorunda çalışıram. O vaxta kimi isə, banklar haqqında yazan biri idim. Yəni əvvəllər bankları qıraqdan müşahidə edirdim, indi isə daxildən 🙂 Nə yalan deyim, ilk dəfə Bank of Baku-ya gəlməmişdən qabaq araşdırma aparmışdım. Görəsən bank işçisi olanda necə olmaq lazım idi? Çünki, çalışdığım şirkətlərdə maksimum işçi … Oxumağa dava et Bankda işləməyin cəhətləri – müsbət? ya mənfi?